Ompui Ephorus; “Tuhan Allah adalah Pencipta (Creator Dei), Sekaligus Pemelihara dan Penjaga/Pelindung (Conservatio Dei dan Preservatio Dei) ciptaanNya. Dua masalah besar yang terjadi adalah Atheisme dan Deus Ex Machina.”

Ompui Ephorus Pdt Dr Darwin Lumbantobing memberitakan firman Tuhan di Ibadah Minggu Pagi di HKBP Sutoyo Distrik VIII DKI Jakarta. Ibadah ini dilayani oleh Sintua JL Gultom sebagai liturgis. Ompui Ephorus melayani ibadah Minggu di HKBP Sutoyo setelah selesai memimpin kegiatan Pemberdayaan Praeses HKBP dan Keluarga yang berlangsung beberapa hari di Pondok Remaja PGI, Bogor.

Setibanya Ompui Ephorus bersama Ompu Boru M Br Siahaan disambut dengan sukacita oleh para penatua dan jemaat HKBP Sutoyo. Ibadah Minggu yang dimulai sejak Pukul 07.00 Wib ini berlangsung dengan sukacita dan khidmat. Selesai ibadah berlangsung, jemaat pun dengan penuh sukacita untuk memakai kesempatan untuk meminta berfoto bersama dengan Ompui Ephorus dan Ompu Boru. Tentu perjumpaan dikarenakan kunjungan Ompui Ephorus ini menjadi keistimewaan dikarenakan padatnya pelayanan Ompui Ephorus, bahkan waktu dan momen ini juga belum tentu terulang kembali.

HKBP Sutoyo saat ini dilayani oleh Pdt Lucius TB Pasaribu STh, Pdt Sonny L Br Sinaga STh MM, Pdt Bonar Napitupulu STh, Pdt Halim P Simbolon STh, Pdt Nasib P Nainggolan SSi (Teol).

Ompui menjelaskan firman yang tertulis di Mazmur 121: 1 – 8. Hamu angka dongan sahaporseaon, tutu situtu memang di pardalanan ni ngolunta sian na na jolo angka na marhaporseaon tu Debata, sai marsorinsorin do adong angka las ni roha manang parungkilon. Molo marlas ni roha, manghilala ma jolma i jonok tu Debata, termasuk angka na porsea i dihilala ibana mansai jonok situtu Debata di ngoluna. Alai molo marsak jolma i, olo ma ibana manghatindanghon na apala pas, na so apala toho, na mandok dao Debata sian ngoluna. Jadi sasintongna hamu angka dongan sahaporseaon, haporseaon ni sasada halak na tutu situtu ndang apala di bagasan di tingki las roha. Molo di tingki las roha disungkun ise do Debata, pasti do tingkos alusna, Debata na burju, Debata pangurupi, Debata na olo mandongani manang sadihari pe, alai molo di bagasan arsak ni roha do Ibana, molo sinungkun ise do Debata di ngolum olo do gabe suhar alusna. Ima da, songon na so hutanda Debata manang na songon na so ditanda Debata au, ujarnya.

Lebih lanjut Pendeta Darwin mengatakan, jadi sasintongna ingkon duansi do, naeng tatanda Debata di bagasan las ni roha dohot di bagasan arsak ni roha, tingkos dope panindangionna manang na daong. Ndang sae holan las roha mananda Debata, merasa dekat, merasa solhot, alai boi do di tingki nang arsak ni roha, na jonok do Debata, olo Debata mangurupi hita, olo do Debata mangantoi, bahkan olo do Debata mengintervensi ngolunta asa boi hita mardalan tu dalan na tingkos. Hira songon i do sungkunsungkun ni parpsalmen on, sai mangaranapi do matangku tu dompak dolok sian do ulaning ro pangurupion tu ahu. Sungkunsungkun ni halak na porsea do on sasintongna, on haruar sian pengalamanna na ni haporseaonna tu Debata. Sipata Debata na tatanda i ndang sai manigor tipaktipak mangalehon pangarupion, sipata buni, adong do endenta na mandok buni bingkas ni holongNa i tu ahu. Sipata songon i, sipata asingasing tu rohanta nang tu panghilalanta asing pambahenan Debata tu hita martimbanghon na tapingkiri, taharaphon ro saonari pangurupion Debata hape ndang ro, taharaphon sogot pangurupion ni Debata alai ndang taida, dung songon na gale hita, dung songon na so manghirim hita, hape dung piga arina i, nalnal do pangurupion ni Debata. Ido umbahen taendehon, nang sipata dipabenda pangurupiNa alai molo dung tingkina i sai manigor ro do i, ndang sai tohotoho sipata tu na di rohanta na taharaaphon, tung na tapangido i pe sipata ndang pintor sai dialusi, alai molo dialusi Debata na di rohanta ndang na so ditangihon Debata tangiangta, persoalanna ima hombar tu tangiang na niajarhonNa ni Tuhan Jesus “Sai saut ma lomo ni rohaM”, dang na di rohanta na saut, Tuhan yang paling tahu apa yang kita butuhkan, Tuhan yang paling tahu apa yang terbaik bagi kita hari ini, esok, dan selama-lamanya. Alani na pinangido ni Hata ni Debata tu hita, tongtong hita jonok tu Debata, tongtong hita berkomunikasi dohot Debata.

Olo do Debata rap dohot hita, pangurupi do Debata di ngolunta, jala parsidohot do Debata manontuhon parngoluanta, alani do angka dongan sahaporseaon, adong dua pangalaho na masa di portibi on, adong do sian jolo nian on ima Atheisme. Anggo atheisme on nian ndang pola sihabiaraon sinuaeng on ima orang yang tidak percaya adanya Tuhan. Bulus nama halak on mandok ndang adong Debata. Atik pe molo manghatai hita dohot nasida, sian hatoranganna i ndang boi dipajojor nasida lapatan ni na masa on, sian hatoranganna i dapot hita do na Adong Do Debata. Ala i na so porsea do nasida, alai bulus nama halak on mandok tung so adong Debata ala ni kekesalanna do ra, ala ni parngoluanna do ra, alani ketidaksanggupannya melihat apa yang terjadi dalam hidupnya, jadi didok nasida hita do na adong, na tinompa do adong, alai anggo na manompa ndang Debata ninna nasida. Alai anggo nuaeng ndang sihabiaran be molo ahu mandok ala taboto tudia arah, pingkiranna, nang pambahenanna, jala ndang loja hita mangalului alus tu sungkunsungkun nasida, na masa na adong di hasiangon, angka na masa di ngolunta, angka na tinompa i, nang di parngoluan ni jolma boi do membuktikan na adong do Debata, terangnya.

Alai adong do pangantusian deba halak apalagi di zaman na modern on, memang piga abad na salpu do tubu on, ima na ginoaranna ima Deus Ex Machina “Allah di luar Mesin”. Molo taterjemahon ima Allah di luar Mesin. Mesin on ima angka parngoluon na masa nang di hasianganon, gerak yang terjadi di portibi on, termasuk gerak parngoluanta jolma.
Diantusi jala diahatindahon halak on, adong do Debata, tutu do Debata, jala Debata do na manompa nasa na adong. Alai pandok nasida, Debata on Deuz Ex Machina, Tuhan di luar mesin, nunga di luar parngoluanon/roda kehidupan hasianganon Debata, ndang pangantoi be Debata, ndang parsidohot be Debata mangalehon pangurupion tu parngoluanon, ndang terlibat, ndang olo be Debata mengintervensi tu ngolu na di hasianganon. hita nama na manontuhon, Allah di luar mesin kehidupan ini dikatakan ala so ringkot be Debata.
Songon mobil Toyota na adong di hita on, Ala sian jepang do haroroan ni Mobil Toyota, ndang pola jouonta be pencipta mobil i sian Jepang ala nunga adong be na ahlii hita on, ndang ringkot be penciptana i. Jala mungkin ndang olo be penciptana i mangantoi, ala sudah dibentuk manang sudah diciptakan, ima pangantusion nasida. Toho do Debata manompa jolma, alai molo adong na sega di hajolmaon on, ndang pangatoi be Debata, ndang adong be pangurupion ni Debata, ndang parsidohot be Debata. Gabe barani do halak i mandok ndang adong be lapatan ni tangiang. Molo sega jantungmu, ndang pola mangalualu ho tu Debata, nunga adong dokter jantung di hita. Ndang adong be lapatan ni tangiang. Molo sega paruparum, ndang pola tu Debata ho, manang siubeonmi manang organ tubuhmu, ai adong do angka ahli di hasianganon. ndang Debata be paturehon i, pemborosan tingki manang gogo, jala ketidakmungkinan diantusi nasida i molo pola pangidoon Debata pamaluhon na marsahit. Ini sangat berbahaya. On do ra na masa/mian di torop jolma nuaeng.

Percaya kepada Tuhan, dihaporsea i do adong Debata alai ndang dihaposi. Asing dope lapatan manghaporseai asing manghaposi. Ndang diparhatutu gabe leas martangiang, leas mangido tu Debata, alangalang rohana mangido tu Debata, ndang porsea di tangiangna sandiri, nang pe tangiangna, hatana, sai hira manghaporseai Tuhan Jesus. Alai haporseaonna di hata na nidokna i ndang adong. Sai huingot do na masa di Pematangsiantar, adong tibatiba kecelakaan jolma, marsahit diboan tu Rumah Sakit Vita Insani, ala hutanda hami nasida, gabe ro ma hami sian STT HKBP Pematangsiantar borhat tu Rumah Sakit, nunga masuk ICU jala nunga godang jolma di kamarna i, naeng do nian diorai hami masuk, alai ala dibereng iba diloas ma hami masuk intap ni pintu i, alai holan masuk hami nunga adong na naeng martangiang, sanga do hubege hami tangiang on, didok sipartangiang on ma songon on; Ale Tuhan, holan Ho do na boi pamalumhon dongannami on, ai tung pardengganbasa do Ho, tuk do gogoM pamalumhon ibana, dihaposi rohanami do na tung pamalumhonMu do dongannami on, elekeleknami tangihon ma tangiangnami on, asi rohaM, amen. Dung didok amen, pintor markaluaran ma jolma i, jala ala so tangkas hubereng tu bagasan gabe husungkun ma nasida, nunga boha? Ro ma alusna, ah…anggo i lewat doi bah. Ai so jo ndang na ho na martangiang nangkingan? Bah ido, nunga hutangianghon nangkingan. Tangiangna i pos situtu do rohana asa malum, asa hipas. Ai dung husungkun, boasa dohononmu naeng lewat, lam didok, bah na so dibereng ho dope. Kalimat itu mengalir sedemikian rupa, alai ndang di bagasan pos ni roha, kalimat tidak bisa dipersalahkan, kalimat i tung mansai denggan alai ndang dihaposi tangiangna sandiri. Hira na menganut Deus Ex Machina do ibana. ndang dihaposi ibana, ndang diparhatutu Ibana, hape na tahaporseai i, ndang holan sitompa langit dohot nasa na adong, ndang holan na manompa, ndang holan manompa hita jolma.

Molo tajaha buku Kathekhismus na metmet i, jotjot ndang apala diparrohahhon halak Kristen on, didok do disi, Debata do na manompa langit dohot tano, dohot nasa jolma. Dia do lapatan ni i, on do: Ditompa do daginghu mamparnidaan, mamparnianggoan, mampardaian, dilehon do roha tu tondinghu jala dipatureture doi saluhutna rasirasa nuaeng, ima patik parjolo dohot lapatanna. Jadi Tuhan bukan hanya pencipta, tetapi juga pemelihara, penjaga, pelindung, ndang lomo roha ni Debata mago buti jolma on, diramoti do ibana, diramoti Debata do nasa na tinompaNa, dijaga Debata do, manang aha na tinompa ni Debata ndang olo rohaNa sude sega so marlapatan. Satu sisi alani on do hita ikut serta pemelihara lingkungan hidup. Ditompa Debata do saluhutna, suansuanan alam, sunge, dohot gunung, autsura diharingkothon jolma on na ringkot i sian hasianganon Lebih dari Cukup. Marlobilobi do sasintongan na rade di suansuanan, aek, laut, marlobilobi do tu kebutuhan ni jolma molo holan tu kebutuhan ni jolma. Na gabe masalah, na sahat do jolma on tu kerakusan, hamongkuson, gabe merusak, suang songon i dagingta pamatangta, dilehon Debata do tu hita hahipason, hagogoon, jala dipatureture doi saluhutna, dijaga doi. Pangantoi do Debata di ngolunta, pangurupi do Debata di ngolunta, jangan katakan Allah tidak peduli, itu salah. Menurut Alkitab jelas dikatakan, Tuhan Allah adalah Pencipta (Creator Dei), Sekaligus Pemelihara dan Penjaga (Conservatio Dei dan Preservatio Dei) ciptaanNya.

Hamu angka dongan sahaporseaon, molo adong parungkilonmu, manang na piga hali pe ho martangiang tu Debata, haposi ma Debata. Molo adong angka na solot di bagasan rohaM, sotung adong panghilaanmu, Tuhan itu tidak peduli lagi kepada saya, jangan. Alualuhon ma tu Debata, bahkan hudok Husiphon ma tu Debata. Atik beha ala ni godang ni penderitaan on, manang ala ni padat ni angka pingkiran, husiphon tu Debata. Molo di hata batak didok, Hoihon tu Debata. Marhoihoi di bagasan haporseaon, hape boi do martangiang. Di Rom 8: 26, didok “alai naung tondi i diurupi do hita di bagasan hagaleonta, ai ndang taboto manang aha na tama sipangidoonta, ditogihon Tongi i do hita marhoihon na so tangka nihatahon. Ai kan olo do hita ndang tolap hita manghatahon tu Debata, ala ni angka parungkilon, alai didok hoihon ma tu Debata. Tangihon jala panghirimon doi, ido na nidok siap rade jala manongtong do Debata mangurupi hita. Jahowa do pangurupi di angka ulaonta, sotung morot hita sian i. Dimana saudara bekerja, di bidang mana saudara hidup, dimana kita hidup, di tempat mana kita berada, selalu muncul pergumulan sukacita dan dukacita, paboa ma tu Debata, pangido pangurupion sian Debata, pangido pangantoionNa, karena Tuhan selalu bersedia menemanimu dalam perjalanan hidup ini, bahkan menentukan masa depan kita yang terbaik tu ganup hita marsadasada,” demikian kutipan khotbah Ompui Ephorus. Arth, AlterS, dm / Biro Informasi