Salah satu jemaat : Haru binahen undangan tu Ompui ndang tontu dope ro jala boi partingkian ni ompui, hape on tarsonggot hami ro Ompui mangebati huria na metmet on

Minggu (19/2), Ompui Ephorus HKBP Pdt Dr Darwin Lumbantobing memimpin Ibadah Minggu di HKBP Janji Matogu Distrik IV Toba dan Pendeta HKBP Ressort Janji Matogu Pdt Marlon Simanungkalit STh sebagai liturgis. Turut hadir Ompui Ephorus bersama Ompu Boru didampingi oleh Staf, dan Kepala Biro Jemaat HKBP Pdt Ebsan Hutabarat STh beserta isteri.

Kunjungan Pastoral ini tentunya menjadi keistimewaan bagi jemaat walaupun minggu sebelumnya tidak ada warta tentang akan hadirnya Ompui Ephorus. Ini menjadi kejutan bagi jemaat, Ompui Ephorus hadir dan menyampaikan Firman di Janji Matogu.
Jemaat yang terdiri dari 120 KK ini menyambut dengan sukacita kehadiran Ompui Ephorus di tengah padatnya pelayanan demikian memimpin HKBP, tetapi Ompui berkenan mengunjungi jemaat yang terletak di Desa Janji Matogu ini. Mayoritas mata pencaharian jemaat adalah bertani.

HKBP Janji Matogu dulunya adalah gereja besar dengan sepuluh jemaat, sebagian mekar karena pelayanan membentuk Ressort Maranatha Marom. Dulunya, karena besarnya, Ressort Janji Matogu ini menjadi tempat kantor distrik IV Toba. HKBP Janji Matogu Habinsaran ini sendiri adalah pagaran dari Ressort Janji Matogu namun difungsikan menjadi sabungan dikarenakan letak yang strategis dan jumlah jemaat yang lebih banyak. Sesuai sejarah, HKBP Janji Matogu ini sejak berdirinya, inilah pertama sekali dikunjungi Ephorus HKBP. Ini menjadi sejarah baru bagi HKBP Janji Matogu oleh karena kunjungan Ephorus HKBP.

Ompui Ephorus menjelaskan firman yang berdasarkan Mateus 5: 38-48; “Godang do angka na mandok dirina marhaporseaon tu Debata. Godang do angka ugamo di portibion termasuk di Indonesia, adong parmalim, adong Silom, adong Hindu, dohot Budha. Tung so adong do ugamo mangajarhon na so hasea, ndang adong ugamo manogihon ruasna i asa disogohon halak, manang na laho maub, alai sai adong halak na sala mangantusi ajaran ni ugamona. Sude ugamo do mangajarhon asa satia jala mangoloi di Hata ni Debata n hinaporseaanna. Adong do na gabe maralo poda dohot ugamona sandiri, ala sala mangantusi. Adong poda na sibegeon na torop, alai ndang tontu dope podana i tingkos. Dibege hamu do poda na masa ujui na mandok, mata ganti mata. Isarana, molo ditopar halak iba ropang iponniba, ingkon tatopar muse jala ropang ma iponna tong. Ima keadilan na niantusi deba halak. Alai Hata ni Debata mandok, jangan kekerasan dibalas dengan kekerasan. Molo tabaloshon songon na binahen ni halak, tontu ndang hea sae masalah. Molo diparoaroa halak ahu, gabe huparoaroa ma muse halak i, gabe dohot ma hita pagandahon hajahaton.

Didok Tuhan Jesus, dibege hamu do hata na mandok di Mateus 5 i. Jala ingkon sumurung do halak na mananda Ibana sian na so mananda. Dia do hasurunganmuna molo holan tu donganmuna bahenonmuna na denggan? Ai halak sipelebegu pe diboto do mambahen na denggan tu donganna. Na masa nuaeng, anggo parjahat boi do dihaholongi angka parjahat. Anggo hita na porsea holan manghalongi na porsea, aha imbarna hita dohot halak i? Ido umbahen didok, haholongi hamu ma musumuna. Asa tandi ngolumuna, adong perbedaan, adong nilai plus. Sai dilului halak do angka na plus, nang di parsingkolaan pe godang SMA alai adong do na sikkola na plus. Di zaman nuaeng on, dituntut do ingkon adong do hasurunganna, ingkon sumurung do angka na tamat sian universitas, molo ndang, ndang dijalo pangidoanna asa karejo.

Na jolo di tingki mangolu Jenderal Manihuruk berpidato di Nommensen, didok ibana; saudara/i jadilah seorang sarjana, ilmuwan, menjadi gelar Drs, Ir, dan lainnya. Luluan ni perusahaan ma hamu ndang hamu na mangulului halak i.

Alai anggo nuaeng, nunga godang halak na tamat sian universitas, alai anggo so adong plusna manang halobianna ndang jumpangna parkarejoan, mansai maol ma tutu. Jala nuaeng ndang holan na pistar alai boi do gabe haposan ibana? Alai dilului halak ibana ala boi gabe sihaposan ibana. Ima gabe nilai tambah di ibana. Apala tangkas nangkin didok Tuhan Jesus, dipabinsar Debata do tu angka partigor, dohot angka parjahat, nang songon i ari udan pe dilehon tu angka parjahat dohot partigor. Sipata hita sandiri holan mangiburu hita. Alani ahai? Ala realiatana disondangi Debata hita marhite sondang mataniari tu angka parjahat dohot partigor, nang songon i tong udan sahat tu hita nang tano ni partigor dohot parjahat. Alai ingot ma anggo halak partigor i botoonna do mandok mauliate tu Debata. Ro udan, mandok mauliate ibana tu Debata. Ai anggo parjahat i mandok, ai nunga di tingkina antong ro udan, ai biasa doi, ai somalna doi. Ndang diboto mandok mauliate.

Tung so hea dipasombu Debata angka nahinaholonganNa. Ala naung porsea hita tu Tuhan Jesus Kristus, ndang sae holan ringgas hita alai ingkon hobas jala hibas. Ulaonta i pe ndang holan tingkos alai tong ma pintor. Di hata batak adong, sintong, tingkos, jala pintor. Adong do hasurunganna hata pintor. Mansal balga jala torop huria HKBP, ndang holan di Tano Batak alai sahat do tu tano pangarantoanna. Songon jelok do perkembangan ni hurianta, dison do disuan di tano batak on alai anggo parbuena sahat do di tano parserahan i. Di kemajuan nang godang na masa, adong angka huria na mangodopi angka tongtangan, ndang boi beribadah, nunga adong gereja alai disegai, alai mangihuthon pamerengannami ndang lam moru bilangan ni parbueana i, lam marsihohot do ruas i ala mangula do Tondi i.

Adong apala na niigil ni Debata, ingkon tandi ingkon sumurung hita sian na so mananda Ibana. Tarsonggot au di tingki mengunjungi Amang Monang Naipospos di Huta Tinggi ima nasida sahalak parmalim, hubereng memang huta i mansai uli, ala ias alamanna jala rapi berengon huta i. Ndang pola bangunan na mewah alai adong ciri khasna, adong hatandianna sian na somalso niida angka huta. Didok ibana, “ido nian amang panditanami, ai sasintongna tung loja do hamu asa gabe Kristen hami hape ndang tontu dumenggan pangalahomuna sian pangalahonami kan. Ai marsaor do hami dohot angka dongan sahuta na notabandna dohot do ruas HKBP gabe dongam marsaor.

On ma nuaeng gabe sungkunsungkun tu hita, boha do pangalahona martimbanghon pangalahonta? Boha do pambahenanna, boha hatanta tu donganta jolma? Ndang didok halak be, kristen do ibana. Ndang ala ni na kristen didok burju alai ala pangulaonna i do. Ndang olo be halak holan marbulungsuhar (terkait parmargaon dohot keterikatan tertentu) marsaor. Ai torop halak mengatasnamakan ugamo, hape pangalahona ndang sesuai dohot ugamona. Torop halak ndang saurdot pangalahona dohot na hinaporseaanna i.

Diigil Debata tu hita, ingkon adong do hasurunganta. Dia ma bahenonmuna asa ingkon sun denggan, ingkon nilai plus do hita ala tung sun denggan do Debata na tahaporseai. Ndang mangihuthon hasomalan be, ndang holan ala ni adat be, ndang holan manangihon, ndang holan mambege, nunga ingkon mangauhon, diboto jala diulahon, ima nilai plus i. Molo jumpang na songon i, marlompit ganda ma pasupasu ni Tuhanta tu hamu. Lam mangerbang ma hata ni Debata di luatta on, jala marsangap ma Debata di ngolunta ganup”, demikian kutipan singkat khotbah Ompui Ephorus.

Selesai ibadah minggu, jemaat mengucapkan terimakasih dan rasa bangganya dengan sambutan yang disampaikan oleh utusan kaum bapak, kaum ibu, dan pelayan penuh waktu. Demikian dikatakan utusan jemaat, Haru binahen undangan tu Ompui ndang tontu dope ro jala boi partingkian ni ompui, hape on tarsonggot hami ro Ompui mangebati huria na metmet on. Ompung, parungkilonnami di godang angka kode di daerah toba on sai adong juji, boha do membarantas ala gabe lomos do rohanami ala nunga mangihut angka sundut naumposo. Hea do di taon 2015 penanaman pohon dipatupa HKBP dohot pemerintah alai nuaeng ndang tarida bei ompung. Nunga godang angka na mate sunge ala koring dohot gersang. Anggo penghijauan i ingkon bahenonta ma ganup rumatangga. Pos rohanami melalui pimpinan HKBP, boi mardalan dohot denggan. Asa botulblotul dihilala ruas ni huria i angka panghorhon program ni hurianta.

Tung so huboto hami patuduhon balga ni rohanami tu haroro ni Ompui dohot Ompu Boru, mangelek hami tu ompung laho manangianghon dohot manogunogu hami ruasmuna di huria on. Mangido hami ompung, songon na binahen ni ompung naeng ma mangihut angka sude parhalado manang angka pangula na gok tingki laho manogunogu ruas marhite na manopot ganup marsadasada. Margogo ma hamu ompung. Adong digubris ompung otik endenami i, unang sarombang dohot portibion, mauliate ma ompung naung patoguhon hami. Sai anggiat ma martamba angka las ni roha di hami, hami boi nampunasahon nilai plus di haruashon nang di tongatonga masyarakat. Mauliate ma ompung, nunga pajumpang hami dohot pimpinan tertinggi ni HKBP. Sihol ni rohanami tulus ma sadari on ala pajumpang dohot Ompung, Ompu Boru, dohot rombongan. Utusan penatua mengungkapkan, tarsonggot do hami nantoari dung didok Amang Pandita na naeng ro Ompui Ephorus ro marsogot di parmingguon. Mauliate ma ompung, pasupasu Tuhan sahat tu hami, las ni roha sadarion. Gabe huria na mangerbang ma huria Janji Matogu on. Margogo ma Ompung mambahen program nauli di hurianta HKBP on. Tumpuan ni hurianta juga ada pada pemuda asa botulbotul sundut naumposo gabe generasi na mamboan las ni roha di hurianta.

Ompu Boru pasahathon hata poda tu angka ruas HKBP Janji Matogu, huingot ende najolo na marjudul “ise do na porsea tu Tuhan?”. Keyakinanku terus sampai saat ini, Tuhan melihat kita semua. Tuhan punya banyak harta, Tuhan punya banyak berkat, bila kau bersekolah, bila mau bekerja, bila mau banyak berkat, berdoalah kepada Tuhan, pangido ma, tudan Tuhanta i jala ulahon ma tangiangmi. Tu hamu angka natuatuaku, molo naeng denggan ngolu ni angka ianakhonta, goari hamu angka goar ni ianakhonta i tu Tuhanta i, tangianghon hamu sude keluarga. Ndang mungkin pasupasuon ni Debata molo so hea hita rap patanakhon hata ni Debata di tongatonga ni bagasta be, rap martangiang, rap marsiajar hata ni Debata hita di ganup keluarganta be.

Kemudian acara ramah tamah diakhiri dengan bimbingan pastoral dari Ompui Ephorus. Godangan di parsamean do ahu melayani ima di STT HKBP Pematangsiantar. Anggo pendidikan di keluarga gumodang diula inanta, ndang ala ni singkop gabe boi marsingkola, alai ala haporseaon do. (Ompui patoranghon keluarga ni Ompui). Podanami tu sude ianakhonku, ndang adong sibahenonnami tu sude pelayan HKBP, alai ingot hamu molo adong mangido pangurupion sian angka pelayan ni HKBP ingkon tangkas do urupanmuna da, jala hujalo do barita na denggan taringot nasida. Godang do peranan ni angka Ina di rumatangga. Haroronami ndang na dia nian tu Janji Matogu on, anggo sude ruas ni huria HKBP ndang boi kunjungannami. Molo kunjungan pe ala adong sada ulaon, ndang hami na mangatur hami alai protokoler do molo adong ulaon di sada huria. Las hian rohanami, malungun do rohanami asa boi mangkatai dohot sude ruas ni huria i. Memang di hita HKBP, godang do na kerjasama dohot pemerintah alai memang ndang holan simbolis nian. Molo penanaman pohon, ndang holan manuan hita alai dohot do ingkon adong tanggung-jawab na mangihut. Nunga mangkatai ahu dohot Bupati, asa adong kerjasama penghijauan, ingkon parsidohot do hita disi.

Di bagasan taon on, orientasi pelayanan Pendidikan dan pemberdayaan, hea do adong panghataion ni Raja Pontas Lumbantobing dohot Nommensen, aha ma labana di hami molo gabe kristen hami? Dialusi Nommensen ma, molo gabe Kristen hamu gabe bangso na maju ma hamu. Memang ndang boi halak na oto na porsea, di ende 361: 2, ai jadijadianmu ndang boi antusan ni angka baoa na bodo i. Angka na pistar do na boi mangantusi,ndang boi antusan ni angka baoa na bodo i. Angka na pistar do na boi mangantusi na binahen ni Debata. orientasi pelayanan tu pendidikan, ala memang lam moru nuaeng semangat pendidikan di hita. Boha parsingkolaanta, ia na jolo na angka pistar do sude, alai nuaeng adong kemerosotan. Sasintongna luar biasa semangat ni halak Batak di pendidikan, adong ende Nahum Situmorang, anakhonhi do hamoraon di ahu, ianakhontai do asset masa depan. Ndang alani hamoraon pasingkolahon halak batak, sian na jolo angka na marsingkola pinaborhat di bagasan hapogosan do. Molo adong manuk dang siseaton asa allangon ni ianakhonna, alai asa adong pasingkolahon ianakhonna i manang nitagam do paima ro angka tulangna. Molo taetongetong pengeluaran sabulan di tingki pasingkolahon angka ianakhon, ndang tagamon boi songon i. Sai husungkun do tu natorashu boasa boi, dung tamat ma dipaboa rahasiana “basa do Tuhan i”.

Nuaeng lam moru mai apalagi dung adong ende na denggan anakhonhi hamoraon di ahu, ro ma na manegai ima ende “anak medan”, pohon pinang tumbuh sendiri, biar kambing di kampung sendiri banteng di kampung orang, hancur demi kawan ido ahu… Ingkon diganti doi, mungkin ndang boi hita membangun sekolah, ndang boi patupa balga, alai jangan kendor semangatmu mendidik anak-anak. Ndang pola dao lapatan orientasi pelayanan pendidikan, jangan putus semangat, jangan lengah, jangan mau mundur, perjuangkan generasi muda. Semua anak disekolahkan dengan baik dan punya harapan hidup untuk bersinar. On ma hatandian di hita halak Batak sian angka houm na asing, tandasnya. Pdt Alter P Siahaan, STh